الرئيسية
بوابة كرمليس*
من طرف ابوسيف العويسي 6/2/2014, 06:38عيني ابداعت حليب امك عليك
حيل ضكاني الوكت وكلني عوز
ابليه واهس
الجرف شح على النوارس
ولهاذا الصفنه بيه من طلكت جابت عجوز
حيل ضكاني الوكت وكلني عوز
ابليه واهس
الجرف شح على النوارس
ولهاذا الصفنه بيه من طلكت جابت عجوز
ولملمت حيل البقت من عنده وشله
وماامر انه عله باب
خايف الكطره تطيح ومن تطيح الكطره فشله
اوصار بعيوني النهار اتكول ليل
ومن تطخني النمله اعثر بيه
الامس نحسبهم امس فشله نكول
همه عل عليه صبحو عاليه
ها يبن امي ده صعدني وراك
زحمه الاول يصبح ابتاليه
وانت كلشي اتكوله يمشي عله العباد
واني من احجي اسولف الخرس
ضحكتي جناز بيه مدري ليش
ابضحكنك داخل يغني اتكول جن فرحت عرس
اليل اكل مني عمر حلم الطفوله
والشمس فضحت اسراري
اوعل رصيف السر تكوله
اوتعثر ابطارف الشفه لوجبت طاري الحموله
بعدةشكد المسافه ابكثر عمري
هيه مانشفت الدمعه حتى اكول الدمع يجري
واني ابوي الجان كتله من حنان
تختل ابصفه الفراشه الطير يشعر
في الامان
ومن تشم عكال ابوي
يختلف مابيه توارد بيه ريحه منل جنان
ياسر ..حيلي ابفكد ابوي نهدم ...ياسر
انفضح حال اوبقه مستور ..ياسر
ابوي العودن موصيك ..ياسر
اباله اتصون تحفظه الوصيه
بقلمي
الشاعر
ابو سيف العويسي
