(( العراق قبل العملية الجراحية ))
جروح فوﮒ جروح تحملت
أشكال وألوان منكم شفت
سلبتوني نهبتوني
بسوط الحزن جلدتوني
وللغريب مع الأسف برخص بعتوني
ولكم شلون بأديكم تجرحوني
كل ما أدير ألراس والتفت
كل هاي وكلت ميخالف وسكتت
شتردون بعد تسوون
أخذتوا كُل شي وبعدكم تطمعون
مو كافي فلوس بأرصدتكم تخلون
ولكم أصحوا وصحو الضمير
ذكروا الله وسوّ لنفسكم خير
ترى بالنهاية غير التراب ما تحصل العيون
جوزوا من الشعب كافي تعذبوا
مسكين هوايا تعب ما يوم ريحتوا
خلو الله بين عيونكم يا عار
حسوا بالناس يا كفار
أخذوا النفط وأكلوا التمر
ما أحاسبكم وأﮔولن ليش
بس خلوا الشعب يحس بالعمر
يرتاح شوية ويعيش
لكم من يا طين أنتوا
من الله ما خفتوا
كل يوم قرار شكل
واحد يربط والثاني يحل
ﮔولولي صدك أنتو عراقيين
لو الله عالم منين جايين
وين أهل المروة والغيرة
وين الثوار وأهل المسيرة
وين اليـﮕول شحده اللي يوصلنا
ونكص أيدة اللي يلمس وطنا
منو هذا اللي يريد يهمش الأقليات
مو هذوله هما التاريخ والحضارات
منو المسؤل
على هاي الخرابيط
منين جابوا هل أفكار
ومنين أجه هل تخطيط
معقولة ما فكر هذا البهلول
يريد يكص الجذور ويلغي الأصول
يا تـُرى شنو الغرض من العملية الجراحية
شيردون يغيرون بيه
ليش ما يدرون شما يسوون
تبقى الروح هي هي
وحتى لو بدلوا دمي
راح يبقى العراق أسمي
وراح يبقووووون
أهل النهرين أبويا وأمي
لكم كافي و يزي عاد
مو الحدباء حرﮔوها الأوغاد
والفيحاء بكل بيت نعوة وسواد
وبغداد عروسة الدنيا تنزف تنتظر ضماد
__________________________________________
ليحميكم الرب
كلمات / مهند الكانون
7/10/2008
جروح فوﮒ جروح تحملت
أشكال وألوان منكم شفت
سلبتوني نهبتوني
بسوط الحزن جلدتوني
وللغريب مع الأسف برخص بعتوني
ولكم شلون بأديكم تجرحوني
كل ما أدير ألراس والتفت
كل هاي وكلت ميخالف وسكتت
شتردون بعد تسوون
أخذتوا كُل شي وبعدكم تطمعون
مو كافي فلوس بأرصدتكم تخلون
ولكم أصحوا وصحو الضمير
ذكروا الله وسوّ لنفسكم خير
ترى بالنهاية غير التراب ما تحصل العيون
جوزوا من الشعب كافي تعذبوا
مسكين هوايا تعب ما يوم ريحتوا
خلو الله بين عيونكم يا عار
حسوا بالناس يا كفار
أخذوا النفط وأكلوا التمر
ما أحاسبكم وأﮔولن ليش
بس خلوا الشعب يحس بالعمر
يرتاح شوية ويعيش
لكم من يا طين أنتوا
من الله ما خفتوا
كل يوم قرار شكل
واحد يربط والثاني يحل
ﮔولولي صدك أنتو عراقيين
لو الله عالم منين جايين
وين أهل المروة والغيرة
وين الثوار وأهل المسيرة
وين اليـﮕول شحده اللي يوصلنا
ونكص أيدة اللي يلمس وطنا
منو هذا اللي يريد يهمش الأقليات
مو هذوله هما التاريخ والحضارات
منو المسؤل
على هاي الخرابيط
منين جابوا هل أفكار
ومنين أجه هل تخطيط
معقولة ما فكر هذا البهلول
يريد يكص الجذور ويلغي الأصول
يا تـُرى شنو الغرض من العملية الجراحية
شيردون يغيرون بيه
ليش ما يدرون شما يسوون
تبقى الروح هي هي
وحتى لو بدلوا دمي
راح يبقى العراق أسمي
وراح يبقووووون
أهل النهرين أبويا وأمي
لكم كافي و يزي عاد
مو الحدباء حرﮔوها الأوغاد
والفيحاء بكل بيت نعوة وسواد
وبغداد عروسة الدنيا تنزف تنتظر ضماد
__________________________________________
ليحميكم الرب
كلمات / مهند الكانون
7/10/2008