Karemlees.com ..منتدى عـراقي

نذكركم بأن المقالات والردود لاتعبر عن رأي المنتدى


    عراقيــــــــــات فقط للنحبهم‏ ... قصيده

    شاطر
    avatar
    George Maroky
    نجم كرمليس.كوم
    نجم كرمليس.كوم

    عدد المساهمات : 174
    تاريخ التسجيل : 28/10/2009

    عراقيــــــــــات فقط للنحبهم‏ ... قصيده

    مُساهمة من طرف George Maroky في 13/11/2009, 03:23

    أعزائي هذه القصيده جاءتني بالإيميل ولم يكتب أسم مؤلفها

    أحبك من صغر عودي وسني
    ومن حبك سقط شعري وسني
    على حالي بچه شيعي وسني
    وثالثهم مسيحي يون عليه

    -----------------------

    عيني العمت لو جيتوا تراكم
    وعليهه الحزن ودموعي تراكم
    حزنكم رايد اسالكم ترىكم
    يعادل حزني والي صار بيه

    -----------------------

    وحك أم الكرم والطيب ...حديثه
    أريد اكابل المحبوب وأسمع حديثه
    أريد أعرف قديم أخباره وحديثه
    وبلياه الزمن ناعور ودار بيه

    -----------------------

    احبابي شلون حالتكم بعدنه؟
    شبدينة والوكت عنكم بعدنه؟
    اذا انتو نسيتوا،احنةبعدنه
    بذكركم كل صباح وكل مسيه

    -----------------------

    روحي من الهجر ملت وسالت
    عليه احباب لانشدت وسالت
    الف دمعه الجرت مني وسالت
    ولادمعه الجرت منهم عليه

    ----------------------

    حياتي عكب شخصك شلي بية
    وجميع اعضاي صارت شلل بية
    توديلي رسايل شلي بية
    اريدن شوفتك والكعدة سويه

    ----------------------

    دمــع عيني علـى الخدين .. جاري
    وجرالي الما اظن بالناس .. جاري
    ريـت اللي احبـه يكــون .. جاري
    واشوفه بكــل صباح وكــــل مسيّه

    ----------------------

    نشدت الناس عنك وانت هينه
    وعلى فراكك تلفنه وانتهينه
    الكلب انت تعذبه وانت هينه
    ويضل اسمك حلو وغالي عليه

    ----------------------

    غاب الكمر من شافك ولا هل
    ولغيرك ما نزل دمعي ولا هل
    مالي دار من بعدك ولا هل
    عزيز ويصعب فراكك عليه

    ----------------------

    يانور العين مرسالك وصلنه
    ودمع العين بلل كل وصلنه
    امانه عليك لاتكطع وصلنه
    وخلي دوم عشرتنه سويه

    ----------------------

    الك ياما نبض كلبي ودكلك
    واطحن بالحجي ناعم وادكلك
    شكد باليوم ارمشلك وادكلك
    درمش بالجذب مره عليــــه

    ---------------------

    عذرا لون روحي .. حاسبتكم
    لانكم جزء منه .. حاسبتكم
    بجاه الحسن تعطل .. حاسبتكم
    شاشه وكيس والفارة سويه

    ---------------------

    أظل أكتب شعر للطيبين وأنشد
    وأسأل على الصاحب دوم وأنشد
    وأصير حزام وكت الضيج وأنشد
    لكل عزيز وغالي عليه

    ----------------------

    انا الصياد صادتني شبكتك
    دخيل الله شكثر حلوة شبكتك
    ادك عليك مشغولة شبكتك
    كتلك بالجذب بس رمش عليه

    ---------------------

    افكر بيك يا حبي ولا انام
    ولا غمض جفن عيني ولا نـام
    احب اكعد يمك ولا نــــام
    بعيد وشوفتك حسرة عليــة

    ---------------------

    تظل نجمه ياضي العين بسماي
    ويضل اسمك صديق العمر بسماي
    ما يروي العطش بجفاك بس ماي
    العطش ترويه من تسأل عليه

    ---------------------

    هاك الكلب بيدك حيل طحنه
    أمس فوك النجوم واليوم طحنه
    شبدينه وبالعشك ياناس طحنه
    غشمه وكلوبنا تحب الأذيه

      الوقت/التاريخ الآن هو 11/12/2017, 21:26