Karemlees.com ..منتدى عـراقي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
Karemlees.com ..منتدى عـراقي

نذكركم بأن المقالات والردود لاتعبر عن رأي المنتدى


2 مشترك

    الغربة

    Ehab_Thommas
    Ehab_Thommas
    نجم كرمليس.كوم
    نجم كرمليس.كوم


    عدد المساهمات : 57
    تاريخ التسجيل : 20/09/2009

    الغربة Empty الغربة

    مُساهمة من طرف Ehab_Thommas 28/9/2009, 16:32

    الغربة




    دك الهجر بابي وما تركني يوم
    طفا النور بعيني وما أجاني نوم
    ردت اخلص من الهجر بأي طريقة
    حتى قضيت عمري نصه صوم
    بس ماكو فائدة هي مكتوبة و
    رموشنا شكد ترفرف تبقى تعبانه دوم
    *********
    كعدت بنص الليل اشوفن عيني حمرة
    شبيه مورمة من قلة النوم لو
    البجي صارن عليها مثل الخمرة
    عبالك مطفي ... بس شوية
    صحيت وشفت كلبي صاير مثل الجمرة
    يشوفون الدم واصل للركبة
    يضحكون ويكلولي شوف الكيكي حاط حمرة
    يلة هذا زمان اليوم كل واحد
    لازم مخدته ويكول لازم بيتي اعمرة
    **********
    غربتنا زفها الهجر وخذونا وياهم ونسه
    ما يريدون يتركنا حسبا لهم واحدنه مثل الخنثة
    عوفونا يا عمو هجر أو يا خالة غربة
    واحدنة مكد عمق البحر جرحه
    ومن كثر القهر كلنا مرضى ولاحقتنا الذبحة والقرحة
    نسينا شي اسمه ونسه ولهو غابت عدنا الفرحة
    يا زمن صرنا مثل الشمس والقمر ما يتلاقون سوه
    واحد يكله للأخ إني الأحسن وأنت الفجعة
    *********
    تجنسنا إشكال وألوان أجناس لان ما عدنا وطن
    زين إمبراطوريتنا وين راحت شنو محد فطن
    يا ؟؟؟؟؟؟؟؟ ليش تركتوا الوطن وبعتوا مثل القطن
    كلبكم اسود وقطنكم ابيض مو بين عليكم العفن
    يا ناس احنا مو نايمين ما يغفى النا جفن
    نراقب طول الوكت شوكت نرجع البيتنا نسكن
    ثورنا المجنح وسورنا وحدائقنا المعلقة او تتركوا والله كلبنا اندفن
    الله كريم نعود او يرجع بينا الزمن

    *********
    موقعنا اسمه كرملس يعني بدايته كرم
    وشعبة واعضائه شوف شلون منورين وصايرين مثل الهرم
    موقع كل اعضائه معلكلة نجوم ويشهد القمر
    والمدير مهتم عال24 ويفتر بالموقع تكول راكبلة همر
    ما تشوفن غلطة بهذا الموقع ولا احد تهاجم او اندمر
    دير بالة اليلف ويدور ويجرح راسا اسمة برة ينشمر
    شكر لكم ابتعدنا كثيرا لنخرج من اجواء الغربة والهجر
    *********
    نرجع من جديد ... والله كتلتونا بأنواع التعبانه مال تموين
    يا امم المتحدة سمعتونا غلط ما نريد تموين نريد توطين
    انذبحنا ذبح يا ترجعونا البلدنا يا حولوا ملفنا عالتوطين
    ليش تاركينا هيج كل واحد بديرة والكل متشردين
    ماكو واحد يسأل علينا الكل متسيبين
    يعني ماكو حل النا قضيتنا ميؤس منها لو هسه شوية منسيين
    يا امم يا متحدة شجاكم على حضنا تفرقتوا وصرتوا توزعوا حبوب فاليوم وامبسلين
    ماكو سفارة ترضى بينا كل معاملاتنا احنا بيها متعرقلين
    **********
    تركت وتركوني اعز اصدقائي هاي لعد شعبالكم الهجرة
    حرقة كلب ومآسي وذكريات تشعل الكلب وتفجره
    والله يا ناس غصبا علينا موع بالكم بسرعة ننسى وكلبنا مثل الحجرة
    كل ذكرى الكم عيوني احسها صارت نهر دجلة واصيرن نار كبرة
    شوف تبطرنا هواي بس الزمن ما قصر بينا سوانا خوش عبرة
    وهذي ارضنا وهذا وطنا وذاك شعبنا ما اتركنه لو اعرف اعلى سور اعبرة
    وارجعلك يا وطني واهجرج يهجرة وما انساج يذكرة
    يلة عد خلصوني ايدي تعبت من الكتابة ههههههه وقلمي خلص حبرة



    كلمات Ehab_Thommas
    maryam
    maryam
    نجم كرمليس.كوم
    نجم كرمليس.كوم


    عدد المساهمات : 142
    تاريخ التسجيل : 20/07/2009

    الغربة Empty رد: الغربة

    مُساهمة من طرف maryam 22/10/2009, 08:32



    أخ Ehab_Thommas

    كل ما ذكرته عن الغربة تمام التمام

    الغربة حرقة كلب و مآسي و ذكريات تشعل الكلب و تفجره

    تعيش وتسلم يا ورده
    Ehab_Thommas
    Ehab_Thommas
    نجم كرمليس.كوم
    نجم كرمليس.كوم


    عدد المساهمات : 57
    تاريخ التسجيل : 20/09/2009

    الغربة Empty رد: الغربة

    مُساهمة من طرف Ehab_Thommas 23/10/2009, 17:07

    الاخت مريم المحترمة
    اشكرك على المرور الرائع
    وهذا الكلام النابع من طيبة قلبك
    تحياتي

      الوقت/التاريخ الآن هو 28/3/2024, 10:35